Lideri i demokratëve deklaron se prej kohësh tashmë qeveria po nis parapërgatitjet për zgjedhjet e reja parlamentare, por sipas Bashës, masa e parë që ka marrë Rama dhe Ministri Tahiri, është ngritja në çdo qark të vendit, e bandave kriminale që do t’i sigurojnë atij kapjen e zgjedhjeve.
Kryedemokrati shprehet se opozita është në dijeni të çdo emri të kriminelëve të cilëve i është dhënë detyra për të nisur me blerjen e votave dhe terrorizimin e qytetarëve kudo në vend. Madje Basha shton se edhe ndërkombëtarët janë në dijeni të fenomenit që ai përshkruan.
“Dalja e Shqipërisë nga kjo gjëndje është e qartë. Kalon përmes zgjedhjeve të lira dhe të ndershme, përmes largimit të kriminelëve nga politika, përmes luftës ndaj korrupsionit qytetar dhe padyshim përmes zbatimit të reformës në drejtësi.
Zgjedhjet e lira dhe të ndershme janë potentcuar nga faktori ndërkombëtar për integrimin e vendit. Por duket se qeveria e një prillit ka ndërmend të ruajë gjëndjen aktuale, sepse kjo gjëndje u siguron pasurimin dhe pushtetin.
Klika në pushtet është pasuruar në mënyrë marramendëse. Ka siguruar miliarda përmes krimit, drogës e koncensioneve. Dëgjoni dëshmitë e ish ministrit Manjani, për të kuptuar dimensionin e degjeneruar të kësaj qeverie.
Duhet që Balili me shokë të punojnë të lirë dhe të paprekshëm. E vetmja gjë që garanton që të vazhdojë droga, vjedhja dhe pasurimi, është mbajtja e këtij pushteti politik me çdo kusht. E vetmja mënyrë është kapja dhe shkatërrimi i zgjedhjeve të lira… sepse ato janë dhe do të jenë fundi i kriminelëve në politikë.
Prandaj, me qëllim që të marrin peng zgjedhjet, janë gati dhe kanë bërë ati stokun e parave të zeza, të krimit, të koncensioneve, dhe nga ana tjetër, kanë bërë gati kriminelët, për të kërcënuar votuesin si dhe të përdorin median e kapur për të fshehur krimin. Ky është skenari që do të shkatërrojë Shqipërinë,të ardhmen e këtij vendi.
Këtë skenar e kanë denoncuar përpara medias edhe ministra të qeverisë.
Rama me ministrin e tij Tahiri kanë bërë qark më qark një tufë banditësh dhe njerëzish të skeduar për të vjedhur zgjedhjet.
Opozita e zotëron emër për emër, organizimin e këtij rrjeti. Ndërkombëtarët janë në dijeni po ashtu.
Fshehja e Escobarit të Ballaknit, ka për qëllim që me fshehjen e ortakëve që escobari ka me ministrat e kësaj qeverie, ti japi një mesazh, se me Edi Ramën e Sajmir Tahirin, ata do të mbrohen deri në fund.
Ka luftë për plaçkë, prandaj zgjedhjet i prishin punë. Kanë marrë peng shqipërinë, tani duan të marrin peng zgjedhjet. Çdo shqiptar e di, pyetini, dhe çdokush do të thotë se kjo qeveri nuk do zgjedhje të lira e të ndershme, sepse do të ruajë pushtetin.
Jemi mbledhur sot këtu sepse detyra jonë është të bëjmë gjithcka për të mobilizuar dhe mbështetur reagimin e qytetarëve. Këto nuk janë çështje të interesit partiak, zgjedhjet janë interes i kombit.
Sot dua të ftoj partitë e çdo krahu politik, që të bashkohemi për të çliruar me çdo kusht vendin.”- tha Basha./java/a.k
