Kreu i PD ka folur mbrëmjen e sotme për emisionin Opinion drejtpërdrejt nga ccadra e protestës. Në fjalën e tij Basha tha se qeveria do të largohet si pasojë e dialogut politik ose kryengritjes qytetare.
Veç të tjerash Basha u shpreh se në Shqipëri kemi të bëjmë me një demokraci fasade.
Sipas Bashës kjo që po ndodh sot nuk është miting politik, po është ngritja e popullit për ti thënë jo krimit dhe bandave.
“Në vijmë si një parti e rinovuar në vendimmarrje dhe në lidership, ka me dhjetëra të rinj dhe të reja të cilët kanë studiuar këtu dhe në vendet perëndimore, e vijnë në PD për të dhënë idetë e tyre”, ka deklaruar Basha.
Basha tha se është i bindur se PD protestën do ta çoj deri në fund, derisa qeveria të pranoj kërkesat e opozitës
“Unë do të qëndroj këtu deri në fitoren e kauzës së qytetarëve, deri në largimin e kësaj qeverie dhe garantimin e zgjedhjeve të lira dhe të ndershme”, është shprehur Basha./b.d
