Lideri i demokratëve Lulzim Basha i është drejtuar edhe një herë ndryshimit të listave, por kësaj here përgjigja e tij ka qenë ndryshe. I ftuar në emisionin Arena, Basha ka deklaruar se ndryshimi i listave ishte një riciklim i elitave dhe se ka patur një reagim të mirë nga ana e bazës së Partisë Demokratike.
Hila: Ka aludime se ndryshimi i listave të kandidatëve për deputetë që ju keni bërë ka pasur një lloj reagimi në bazën e PD.
Basha: Ka pasur vërtet, ka një shumëfishim të njerëzve në mitingjet tona. Njerëzit presin atë që është normale në ciklin politik të çdo partie në Europë, riciklim të elitave. Nuk ka kuptim të shkohet në çdo fushatë me një ekip, duhet ripërtërirë.Këtë kam bërë, kam ripërtërieë ekipin për të ripërtërirë nesër me energji të shumëfishuara shtetin shqiptar për ta vënë në shërbim të qytetarëve dhe axhendës së qytetarëve që është ekonomia.
