Kryetari i Partisë Demokratike, Lulzim Basha priti sot në një takim Bekim Bashën, fituesin e medaljes së argjendtë në Kampionatin Botëror të karatesë, thuhet në një postim të kryetarit të PD-së Basha në Facebook.
Kryetari i PD-së, Basha ka vlerësuar vullnetin e hekurt të 17- vjeçarit Bekim Basha, përmës të cilit ia ka dalë të përmbushë qëllimin e tij dhe të ngrejë flamurin shqiptar mes 54 shteteve të botës që morën pjesë në kupën e botës zhvilluar në Kroaci.
Po ashtu, Basha ka shprehur domosdoshmërinë e mbështetjes së talenteve të sportit si Bekimi të cilët ndonëse jashtë vëmendjes mediatike dhe të qeverise kanë shkëlqyer në kompeticione ndërkombëtare duke ngritur lart emrin e Shqipërisë dhe flamurin kombetar e duke u nderuar me medalje.
“Mbështetja e tyre financiare, krijimi i kushteve për stërvitjen e tyre do të jetë prioritet i Partisë Demokratike, pasi qeveria nuk mund të investohet vetëm për të përfituar nga suksesi i sportistëve tanë”, theksoi Basha.
