Kryedemokrati Lulzim Basha, ka reaguar për ngjarjen e rëndë që ndodhi në një familje në Gjirokastër, ku burri i vuri flakën bashkëshortes së tij me benzinë.
Në një postim në Twitter, kreu i PD e quan këtë një krim të tmerrshëm. Duke e quajtur plagë të madhe sociale dhunën ndaj grave, Basha siguron se PD “do të ndërmarrë hapa ligjorë konkretë për të forcuar mbrojtjen e nënave e vajzave dhe për të frenuar këtë fenomen që shkatërron familjet”.
Postimi i plotë i Bashës:
“Krim i tmerrshëm ai i ndodhur sot në Gjirokastër. Dhuna ndaj grave është një plagë e madhe sociale që kërkon një kurë të shpejtë, të thellë dhe gjithëpërfshirëse. Është e papranueshme që dhuna të jetë pjesë e përditshmërisë, sidomos për gratë dhe vajzat që jetojnë në kushtet e varfërisë dhe varësisë ekonomike. PD do të ndërmarrë hapa ligjorë konkretë për të forcuar mbrojtjen e nënave e vajzave dhe për të frenuar këtë fenomen që shkatërron familjet”.
g.kosovari
