Kryetari i Partisë Demokratike ka publikuar përmes rrjeteve sociale qëndrimin e Partive Popullore Europiane për situatën në Shqipëri.
Lulzim Basha shkruan se PPE kërkon funksionimin sa më parë të Gjykatës Kushtetuese duke e plotësuar me anëtarë.
“PPE shpreh nevojën urgjente që Shqipëria të sigurojë funksionimin e duhur të Gjykatës Kushtetutese dhe Gjykatës së Lartë duke i plotësuar vendet e tyre me gjyqtarë dhe pret një vendim të shpejtë dhe final nga Gjykata Kushtetuese mbi legjitimitetin e zgjedhjeve vendore të 30 qershorit 2019”, shkruan Bashan ë Facebook.
Lideri demokrat thotë se ka marrë garancinë që opozita të ndërmarrë të gjitha përpjekjet për të kaluar krizën politike në vend.
“Partia Popullore Europiane nxit partinë në pushtet dhe opozitën në Shqipëri të ndërmarrin të gjitha përpjekjet për të tejkaluar menjëherë këtë krizë të thellë politike përmes dialogut dhe miratimin konsensual nga partitë politike, të një reforme elektorale në përputhje me rekomandimet e OSBE-ODIHR që shtron rrugën drejt zgjedhjeve të lira dhe të ndershme”, vijon Basha.
