Tre vrasjet e kryera sot në Mat nga autori i dyshuar Kujtim Koxha, janë komentuar mbrëmjen e së enjtes nga kryetari i Partisë Demokratike.
Sipas Lulzim Bashës, vrasja e Mentor Hoxhës, Hamit Buçit dhe Erzen Aliajt është dëshmia e degradimit të përgjakshëm të shtetit.
Lideri i opozitës shprehet se i uron shërim të shpejtë të plagosurit, ndërsa shkon edhe më tej.
Ndërkohë që për autorin nuk ka asnjë të dhënë zyrtare dhe se motivi dyshohet një konflikt për motive të dobëta, Basha shprehet se vetëm banditët me pushet mund ta kryejnë një masakër të tillë.
Postimi i Lulzim Bashës:
Një ngjarje e tmerrshme ka goditur sot Matin dhe ka trazuar shpirtin e çdo shqiptari. Tre punonjës të bashkisë që po punonin për ndërtimin e një rruge janë vrarë barbarisht me bukë në gojë në fshatin Shëlli.
Në këto momente të vështira jam pranë familjeve të Mentor Hoxhës, Hamit Buçit dhe Erzen Alijës dhe lus Zotin që tua lehtësoj sado pak dhimbjen
Po ashtu i uroj shërim të shpejtë të plagosurit Astrit Hani.
Ngjarja e sotme është një tjetër dëshmi e përgjakshme e degradimit total të shtetit, e pasigurisë që mbretëron ngado dhe e guximit të banditëve të veshur me pushtet për të kryer një masakër të tillë.
JavaNews.al / a.r
