Kryetari i Partisë Demokratike Lulzim Basha takoi në ambjentet e Drejtorisë së Policisë Tiranë mbështetësit e opozitës të cilët u ndaluan pas përplasjeve me policinë gjatë protestës te parku i liqenit. Basha tha se opozita nuk tërhiqet nga protestat dhe presioni që sipas tij ushtron pushteti antiligjor.
“Sot u provua se regjimi i Edi Ramës është regjim antikushtetues dhe antiligjor. Sot u provua se PD dhe qytetarët shqioptarë janë në anën e të drejtës, ligjit, kushtetutës dhe sot shteti antligjor dhe krimi orligarkik është përballë nesh. Në një përpjekje për ti shërbyer antiligjit, për të përdorur dhunën kudnër grave, vajzave të rinjve, sot regjimi i Edi Ramës motivoi policë të armatosur deri në dhëmbë. Këta mendojë se me anë të frikës do instalojnë regjimin antidemokratik. Këta mendojnë se me anë të dhunës do mund të mbushin xhepat e tyre. Këta kujtojnë se mund ti detyrojnë shqiptarët se mund të marrin rrugët e emigracionit. Ne jemi sot që kjo nuk ka për të ndodhur. Oligarkia nuk ka për të triumfuar, dhe ne me qytetarët do triumfojmë. Ky regjim i ka orët e numëruara. Ky regjim bandit duhet ta dijë se po sot ka filluar numëri mbrapsh. Ne nuk tërhiqemi. Edhe sot këtu në këtë Drejtori të Policisë ne ishim ligji, ne ishim kushtetuta”, tha Basha.
Më tej kreu i opozitës i ka kërkuar prokurorisë të hetojë ngjarjen dhe të vendosë para drejtësisë policët që dhunuan qytetarët.
“Ju informoj se sapo kam biseduar me miqtë e vëllezërit tanë duke përfshirë kryetarin e njësisë 5 Çim Babasin, Kam kërkuar nga prlkuroria të vendosi ligjin, të vendosë para drejtësisë xhelatët që përlyen uniformën e ligjit. Kush mendon se me terror do ta ndalë një popull që lufton për vlerat e ka gabim. Dita e madhe e pranverës së demokracisë po afron”, tha Basha.
