Kryetari i Partisë Demokratike Lulzim Basha ka paralajmëruar startimin e një beteje të ashpër politike në sallën e parlamentit nga seanca e së enjtes për të rrëzuar sipas tij pushtetin e drogës. Basha tha gjatë një deklarate për mediat se opozita ka mbështetjen popullore kundër kësaj qeverisje të lidhur me krimin sipas tij.
“Problemi i kartelit të drogës që ka përpirë vendin dhe është kthyer në një problem të madh në lidhje me aktivitetin e mundshëm terrorist të vendit tonë. Rama s’ja ka dalë dot të mbyllë gojën opozitës, të zhdukë të vërtetën. E dimë presionin që ka ushtruar mbi mediat dhe e ushtron cdo ditë. Mundohet të mbyllë ekranet dhe gazetat e shqiptarëve nga lajmet që demaskojnë këtë të vërtetë, por problemi është ndërkombëtarizuar. Sot kryefjalë është regjimi narkotrafikant i cili ka bërë të mundur kthimin e Shqipërisë në pikën kryesore të furnizimit të Evropës me kanabis dhe me droga të forta. Shkrimi i sotëm i gazetarit amerikan i bën thirrje Presidentit të ardhshëm të SHBA-ve ta trajtojë si rrezikun kryesor mbi destabilizimin e Ballkanit dhe të kërkojë një hetim ndërkombëtar për përfshirjen e krerëve të politikës në Shqipëri me trafikun e drogës.
Tashmë që s’ka asnjë shqiptar që s’e ka kuptuar pse Rama se zbaton ligjin e dekriminalizim, ta dijë se pa pa dekriminalizimin s’do ketë paqe, së dyti të bëjmë të mundur përmes bashkimit që gjithë faktorët politikë që kanë në dorë shndërrimin e Shqipërisë në një hambar droge të përballen me ligjin e të largohen nga funksionet drejtuese.
Së treti, duke ndalur këtë të keqe të madhe që do e përpijë vendin tonë e do shndërrojnë fëmijët në argatë, fermerin shqiptar në një skllav të pasigurtë se i dalin para rojet e hashashit, të gjithë të bashkohemi para se kjo e keqe ta përpijë Shqipërinë.
Kjo nis me një betejë të fuqishme nesër në parlament do vazhdojë me konsultë të hapur me gjithë faktorët shoqërore që do kërkojmë mendimin e cdo shqiptari të ndershëm që s’pranon më vrasjet prej drogës, kriminelët si kryetar bashkish, që të gjithë t’i japim formë këtij koalicioni të madh qytetar t’ja kundrëvëmë…përmes një aksioni të fuqishëm politike e qyrtetar t’i japim fund regjimit të drogës në Shqipëri…Në këtë përpjekje do kemi mbështetjen e faktorit ndërkombëtar këmbanat e të cilëve po bien cdo ditë”, tha Basha.
/a.m.
