“Ramavirusi shkatërroi ekonominë dhe varfëroi shqiptarët edhe më shumë gjatë pandemisë”.
Kështu thotë kryedemokrati Lulzim Basha, i cili deklaron se propaganda me regji qendrore e Edi Ramës nuk e fsheh dot dështimin.
“Në prill premtoi se do të punohet me 4 turne (!!!) për të pastruar Thumanën nga rrënojat. Pamjet flasin vetë. ‘Puna’ zgjati aq sa vizita dhe transmetimi me regji qendrore i mashtrimit të radhës. Rama nuk i ndihmoi qytetarët as pas tërmetit dhe as gjatë pandemisë. Lekët e shqiptarëve i çon në xhepin e oligarkëve dhe për shpenzime luksi”, shkruan Basha.
Ai thotë se në vend që të ndihmonte qindra familje të varfëra, Rama harxhoi qindra mijë euro të taksave tona me charter luksi për fundjavë në Paris.
Duke publikuar videon që gjeni më poshtë, Basha deklaron se ekonomia në krizë të thellë, është dështimi i Ramës, i qartë po aq sa gënjeshtrat që ai broçkullit çdo ditë shqiptarëve.
g.kosovari
