Kryetari i Partisë Demokratike, Lulzim Basha, ka qenë mbrëmë i ftuar në emisionin “Studio e Hapur” të Eni Vaslit në Neës 24.
Basha u shpreh optimist për zgjedhjet e 21 qershorit duke u shprehur se populli do të votojë kundër varfërisë dhe papunësisë që sipas tij, janë krijesë e dyshes Rama-Meta.
Duke folur mbi modelin që opozita ofron, Basha tha se kandidati i tij për Tiranën, Halim Kosova është modeli i fushatës në të gjtihë Shqipërinë.
Basha foli edhe për shtesën në katin e 13 të pallatit të tij për të cilin janë zhvilluar shumë debate. Ai u shpreh se lejen për këtë shtesë e ka marrë nga Rama.
Ai u shpreh se nuk ka asnjë ndërtim në apartamentin e tij dhe pse gjithçka e regjistroi sipas çdo procedure ligjore.
“E çova te regjistri urban që e kontrollin Edi Rama, është e publikuar atje se është konform ligjit.
Para se të merrja leje e çova në ILDKP. A është në konflikt interesi Lulzim Basha që do të mbulojë një pjesë të tarracës së tij?
Me erdhi përgjigja.
Pasi mora dy miratime nga dy agjenci që kontrollon Rama dhe Meta, përkatësisht Regjistri Urban dhe ILDKP u dha një leje në përputhje me ligjin.
Unë s’jam pushtetar që gënjej.
Apartamentin e kam blerë para se të hyja në politikë.
Mund ta bëja edhe pa leje.
Pra leja u bë për të mbuluar një pjesë të tarracës.
U botua në një regjistër transparent të kontrolluar nga Edi Rama.
Më 1 dhjetor leja skadoi, por kryemashtruesit, ngaqë s’kanë asgjë oferte tjetër për qytetarët.
Nuk ka asnjë ndërtim në apartamentin tim, leja nuk u zbatua kurrë dhe skadoi”, tha Basha.
