Kryetari i Partisë Demokratike Lulzim Basha, ka zbuluar një sekret të madh sot në emisionin Zonë e Lirë.
I pyetur lidhur me detajet e vizitës së tij në SHBA, Basha ka rrëfyer edhe një “mashtrim” sipas tij të kryeministrit Edi Rama.
Kryeopozitari gjatë takimit të tij me presidentin Donald Trump që siç tha zgjati 3-4 minuta, ka mësuar se Trump nuk e ka takuar kurrë Ramën në samitin e NATO-s.
Basha tha se në takimin e shkurtër që pati me presidentin Donald Trump bisedoi gjëra të rëndësishme dhe u frymëzua tej mase për mënyrën se si do ta ndërtojë Republikën e Re.
Eventi ku ka marrë pjesë lideri i opozitës ka qenë me pagesë, ku çmimi ka qenë 20 mijë dollarë, dhe parashikonte edhe një foto me Donald Trump.
Basha tha gjithashtu se nuk do të bëjë qeveri koalicioni me Ramën pas zgjedhjeve. Nuk bashkohemi me republikën e vjetër, tha ai, duke futur edhe Metën e Blushin në listë. Për këtë të fundit Basha zbuloi se gjatë protestës së çadrës, Ben Blushi i dërgonte mesazhe për bojkotimin e zgjedhjeve.
