Kryetari i Partisë Demokratike Lulzim Basha ishte sot në Dibër ku zhvilloi mitingun përmbyllës të fushatës në këtë qark. Ai kërkoi besimin e qytetarëve për realizimin e planit ekonomik që sipas tij është hartuar në bazën e nevojave të qytetarëve. Basha premtoi se programi i PD rrit ekonominë dhe hap vende të reja pune.
“56 % e shqiptarëve duan të alrgohen nga vendi sepse taksat e larta. Mungesa e mbështetjes për sipërmarrjet, fermerët, mungesa e investimeve që krijojnë vende pune, goditën ekonominë, ndaj 56 % shqiptarëve duan të ikin. Por ditën e diel, do keni një mundësi tjetër, do keni një mundësi të zgjidhni një kryeministër që do të punojë për ju. Do keni mudnësi të votoni një plan ekonomik, të vetmin që do ulë taksat, do ulë TVSH-në e do krijojë mundësi për punësim. Mos harroni se plani ynë ekonomik lindi nga nevojat tuaja, dhe ka mbështetjen gjermane, evropiane dhe amerikane. Nesër në krye të qeverisë unë do të punoj natë e ditë për realizimin e këtij plani. Edi Rama do t’i rrisë taksat që të vazhdojë të blejë palma. Ai nuk do mundësojë kurrë krijimin e vendeve të punës e as rritjen e pensioneve”, tha Basha./a.m.