Kryeministri Edi Rama nuk ka kursyer batutat teksa ka komentuar listën e PD-së në Tiranë.
Ai tha se nuk sheh asnjë prurje të re dhe se qytetarët nuk kanë arsye pse të zgjedhin Sali Berishën përpara Luljeta Bozos.
Kreu i mazhorancës u shpreh se është zhgenjyese dhe fyese që Shpëtim Idrizi dhe Vangjel Dule të jenë në një listë. Ai e cilësoi Idrizin si sekser të Çamërisë ndërsa Dulen si të ‘djegur’ në zonat e minoritetit.
“Idrizi zgjohet nga gjumi dhe i shpall luftë Greqisë. Vangjel Dule pasi nuk mer dot votat e minoritetit në Sarandë e Gjirokastër e sjellin në Tiranë. Apo Fatmir Mediu që pasi vdiq Sabri Godo mori vulën dhe e vetmja certifikatë pronësie që vulosi ishte mandati i tij si deputet. Në krye të listët rri Luli si dhëndër, se dhëndri vihet gjithmonë në ballë dhe pastaj i vjen fisi nga mbrapa… Nuk shoh asnjë prurje të re përveç Agron Gjekmarkajt në Lezhë. Më në fund largohet një personazh turbullues për familjet nga ekranet e natës” – tha Edi Rama.
/a.r
