Kryetari i Partisë Demokratike të Shqipërisë, Lulzim Basha, sot do të zhvillojë një vizitë në Kosovë ku do të takohet me personalitete të ndryshme në vend.
Basha, vizitën e fillon me vendosjen e një kurore lulesh te varri i presidentit Ibrahim Rugova, ndërsa do ta vizitojë edhe familjen e tij.
Po ashtu, takime Basha do ta zhvillojë edhe me presidentin e zgjedhur, Hashim Thaçi, me presidenten aktuale, Atifete Jahjaga, me kryetarin e Kuvendit, Kadri Veseli, me kryetarin e Prishtinës, Shpend Ahmetin, me kryetarin e AAK-së, Ramush Haradinaj, me kryetarin e Vetëvendosjes, Visar Ymeri, dhe me personalitete të tjera të jetës politike dhe publike.
Gjithashtu, Basha do të bëj homazhe në memorialin e ri kushtuar Epopesë së UÇK-së dhe Komandantit Adem Jashari. Ai do të takojë pjesëtarë të familjes Jashari.
