Ky ishte verdikti i votuesve demokratë që në këtë mënyrë i besuan drejtimin e partisë Bashës për një mandat të dytë.
Basha mposhti me një diferencë të madhe votash rivalin të tij, Eduard Selami.
Nga 73 kuti, 53931 vota ishin për Bashën, ndërsa për Selamin 5136.
Basha fitoi 48795 vota më shumë.
Ndërsa deri tani flitet për 767 vota dolën të pavlefshme.
Kjo është fitorja më e madhe e Bashës, pasi në përllogaritje mposht Selamin me 91% të votave, ndërsa kujtojmë që në 2013 ai triumfoi përballë të ndjerit Sokol Olldashi me rreth 80.39% të votave.
***
Lulzim Basha apo Eduart Selami? Njëri prej tyre do të drejtojë Partinë Dmeokratike në 4 vitet e ardhshme. Demokratët votuan, në një proces që pati edhe shumë kundërshtarë që kërkonin bojkotimin e zgjedhjeve, duke e cilësuar procesin farsë.
Gjithsesi, rreth 50 % e anëtarëve të PD votuan sipas shifrave të publikuara nga selia blu. Kjo përqindje korespondon me rreth 50 mijë votues nga 100 mijë anëtarë.
Vota e tyre pritet të nxjerrë edhe emrin e kryetarit të ri.
Procesi i votimit u mbyll në orën 19.00 në pjesën dërrmuese të qendrave të votimit ndërkohë në ato qendra ku kishte ende votues procesi u shty më tej.
Pas votimit, nisi grumbullimi i kutive në Tiranë ku kryhet numërimi, proces i cili pritet të përfundojë rreth mëngjesit të së dielës sipas parashikimeve nga selia blu.
Të dielën në 23 Korrik, demokratët mësojnë emrin e kryetarit që do t’i drejojë për 4 vitet e ardhshme.
Nderkohe dalin shifrat e pjesemarrjes dhe te dhenat e para nga kutite e numeruara. Kane votuar 57.7 perqind e anetareve te PD dhe ne pese kutite e para te numeruara kryeson me vota kreu aktual I partise Lulzim Basha.
/a.m.
