Kryedemokrati Lulzim Basha në një lidhje direkte me emisionin “Studio e Hapur” në Neës 24, sqaroi me detaje pakënaqësinë e tij për njërin nga ministrat e rinj të emëruar nga kryeministri Rama.
Si më herët, Basha tha se zëvendësimi i Tahirit me Xhafën ishte një provokim, ndërsa nuk nguroi të rendisë rekordet e Xhafës, të cilin e quajti vëllain e një trafikanti droge dhe pinjoll të diktaturës. Lulzim Basha sqaroi ndër të tjera edhe takimin me ambasadorin rus, i cili ishte interesuar për situatën politike në Shqipëri, duke shtuar se kjo ishte krejt normale.
Eni Vasili: Ju e keni pranuar Fatmir Xhafën si kryetar për reformën në drejtësi, nuk keni pasur kontestime pse e kontestoni tani që u bë ministër?
Lulzim Basha: Nga mënyra si e the, po më bind sikur e kam emëruar unë kryetar tek ligjet. Ai është i emëruari i Ramës edhe tek ligjet edhe tek komisioni i reformës. E kemi treguar me gisht se ka zvarritur reformën për 1 vit e gjysmë i ka shërbyer axhendës së Ramës për të kapur drejtësinë, që të shmangë atë që ka thënë Ramë, nëse nuk fitojmë pushtetin ju të gjithë do jeni para drejtësisë. Për dy projektet që hodhi poshtë Venecia përgjegjës është Xhafa. Ai hodhi poshtë edhe paktin, marrëveshjen PS-PD dhe përjashtimin e opozitës nga reforma në drejtësi. Pra nuk kemi dhënë për të as dakordësi, as miratim. Ai është ekzekutuesi i axhendës së Ramës për reformën në drejtetësi.
Eni Vasili: E quan provokacion?
Lulzim Basha: Më keq se kaq, është si t’ju thuash shqiptarëve hoqa Tahirin dhe vura Xhafën, vëllai i të cilit kërkohet për trafik droge. Si mund të pranojnë shqiptarët për garanci të zgjedhjeve këtë figurë. Kjo qeveri ka rënë është shkërmoqur. Agron Xhafa, vëllai i tij është përfshirë në trafik ndërkombëtar kokaine. Fatmir Xhafa është një pinjoll i komunizmit.
“Asnjë ambassador nuk ka kërkuar mbylljen e protestës së opozitës. Ne kemi diskutuar në detaje cili është vizioni ynë për qeverinë teknike, cfarë mendojmë ne në detaje për atë. I kemi disktutuar këto detaje me ambasadorët e BE-së. Nuk ka asnjë shans tjetër përvec qeverisë teknike për zgjedhjet e lira dhe të ndershme.“-tha Basha.
I pyetur se përse në instalacionin me fytyrat e ministrave në formatin “Ali Baba dhe 40 hajdutët” nuk janë ministrat e LSI-së, Basha është shprehur se nuk e kishte vënë re këtë detaj. Sipas tij nuk ka asnjë mesazh, duke thënë se vepra është produkt i njësisë nr.5 në PD Tiranë.
“Mos më pyet mua për instalacionin… po mir, nuk ka zyrë censure të PD-së dhe ky instalacion është vepër e degës numër 5 të PD-së së Tiranës.”-tha Basha.
