Kryedemokrati ka zhvilluar një bashkëbisedim në lidhje me fenomenin e papunësisë me protestuesit në çadrën e ngritur para godinës së Kryeministrisë. Basha akuzoi Ramën se po bëhet qesharak në qarqet diplomatike, ndërsa ka sulmuar senatorin italian Di Biagio, i cili ka luftuar për çlirimin e Kosovës.
“Dua të ndaj një mesazh me ju ka të bëjë me gjendjen psikike ku gjendet Rama me eskortën e tij. Kemi çdo ditë mbështetje për kauzën tonë. Ai lëshoi trakte kundër senatorit italian. Ai është bërë subjekt i barcaletave dhe qesharak në qarqet diplomatike. Ka dy vite e gjysmë që kur u botua raporti i OSBE-ODIHR për pasurinë 200 mijë euro që vetëm sulmon. Quajti turpin e civilizimit Donald Trump, ndërsa krahun e djathtë të Merkel e quajti deputet skutash. Dje sulmoi senatorin De Biagio i cili ka luftuar për lirinë e shqiptarëve. Di Biagio është luftëtar me armë për lirinë e Kroacisë, por ai ka luftuar përkrah ushtrisë së Kosovës me Agim Çekun. Ai ka ndihmuar në terren për luftën ndaj pavarësisë së Kosovës.”- tha Basha.
