Tashmë është kthyer në taktikë të opozitës përpjekja për diversion brenda radhëve të mazhorancës. Pas shkarkimit të ministrit të Financave Shkëlqim Cani, njëri prej më të sulmuarve nga opozita sa kohë ishte në detyrë, duket se të djathtët kanë ndryshuar qëndrim. Në mbdlehjen e grupit të deputetëve demokrat, kreu i kësaj force Lulzim Basha tha se Cani u shkarkua pasi nuk pranoi firmosjen e një konçesioni korruptiv si ai për TVSH-në. Ndërkohë, ai sulmoi ashpër emërimin e Ahmetajt në krye të financave dhe Milva Ekonomit te Ekonomia.
“Emërimi i Arben Ahmetajt në krye të Ministrisë së Financave shkaktoi një reagim të mbarë opinionin. Ai është një person me rekorde të shumta dhe i përfshirë në afera korruptive. Rama mbrojti fort modelin e konçesionit në shëndetësi, modelin e vjedhjes së shqiptarëve, nga ku janë zhdukur 338 milion euro, arkitektja e kësaj skeme u miratua ministre e Ekonomisë. Shkëlqim Cani u shkarkua pasi sipas informacioneve nuk pranoi të firmosë koncesionin e TVSH-së.”, tha Basha.
Më tej Basha kritikoi ashpër kryeministrin Rama për gjeste që sipas tij bien në kudnërshtim me mesazhet e dhëna gjatë vizitës së tij në Tiranë nga sekretari Xhon Kerry. Sipas Bashës Rama doli në krah të personave të inkriminuar, ish-deputetit Arben Ndoka dhe kryebashkiakun e Kavajës Elvis Roshi.
“Akoma pa u ngritur avioni i sekretarit Kerry, Edi Rama ndërmorri me nxitim disa gjeste që shkojnë në drejtim të kundërt dhe në sfidë të mesazheve të Kerry-t. Gjesti i parë ishte prezantimi i prefektit të ri të Lezhës, nga Arben Ndoka. Dhe rasti i dytë dalja e Ramës përkrah Elvis Roshit në Kavajë.”, tha Basha.
Kryetari i PD foli edhe për takimin që zhvilloi me sekretarin amerikan, një takim i pazakontë sipas Bashës i një zyrtari kaq të lartë me kreun e opozitës. Kreu i opozitës tha më tej se bisedimet gjatë takimit me zyrtarin e lartë amerikan Xhon Kerry ishin të fokusuara në 3 çështje.
“Unë dhe një grup deputetësh patëm një takim të mrekullueshëm me sekretarin Kerry. Mirënjohje thellë për këtë takim të pazakontë në axhendën e ngjeshur të një sekretari shteti. Folëm si miq e aleatë të ngushtë për sfidat e Shqipërisë. Diskutimet me sekretarin Kerry ishin të fokusuara në 3 çështje. Së pari largimi i personave me rekorde kriminale e cila ëhstë parakusht për të gjitha reformat e tjera. Bashkë me mirënjohjen për mbështetjen e SHBA në këtë betejë, jam shumë i inkurajuar për mbështetjen që morëm për zbatimin e këtij ligji në gërmë dhe në shpirt.
Çështja e dytë që diskutuam me Xhon Kerry-n ishte ajo e Reformës në Drejtësi. Konfirmova angazhimin tonë për një reformë gjithëpërfshirëse dhe me konsensus, theksova angazhimin e PD për të punuar së bashku.
Çështja e tretë ishte ajo e zgjedhjeve të lira. Mungesa e zgjedhjeve të lira rrezikon stabilitetin. Kërkova angazhimin e SHBA për të zgjidhur këtë problem ekzistencial. Ne promotorët e dekrminalizimit jemi të gatshëm të bëjmë të gjtiha përpjkejet për ta cuar demokracinë në një stad të ri.”, tha më tej kreu i selisë blu.
Basha dha edhe një urim për Kosovën me rastin e 8-vjetorit të pavarësisë.
