Lulzim Basha i është bashkuar çadrës së opozitës mesditën e sotme ndërsa ka sulmuar qeverinë për gjendjen ekonomike.
Duke folur para mbështetësve të PD, Basha tha se qeveria e ka shkatërruar ekonominë duke e kthyer Shqipërinë në një vend më pak konkurrues në Ballkan.
“Prandaj nuk ka vende të reja pune, madje edhe ato vende që janë po shkojnë drejt mbylljes. Në Shqipëri është më e vështirë dhe e pasigurtë të marrësh një kredi për të hapur një biznes. Kjo sepse këtu ecin përpara vetëm 4 apo 5 kodoshë biznesmenë që marrin të zyra e Ramës përditë thelat e kaposhit” – tha Basha.
Pjesëmarrës në takim ditën e sotme ishte edhe biznesmeni Nikollaq Neranxi, ish-deputet i LSI. Ky i fundit u mor në mbrojtje nga Basha që e cilësoi si tregtar që ka krijuar qindra vende pune, por që sipas kreut të PD ai sulmohet nga qeveria.
Protesta e opozitës ka hyrë sot në ditën e shtatë ndërsa nuk ka ende asnjë shenjë për mbylljen e saj. /javanews/b.d
