Kryetari i Partisë Demokratike ka takuar sot demokratët e Beratit në një takim me aktivin e zgjeruar të qarkut.
Basha tha se kjo pritje është një mesazh ndaj atyre dhe atij që e ka mbajtur Beratin peng me krimin e oligarkinë.
Ai tha se nuk do ketë zgjedhje me krimin e hajdutët në 30 qershor. Takimi me demokratët nga i gjithë qarku që përbëhet nga 5 bashki, dhe është zhvilluar në një sallë të mbyllur.
“Me fjalë nuk i shpreh dot emocionet e kësaj pritjeje madhështore që në fakt është mesazhi më i qartë, më i vendosur, më i prerë. Mesazh ndaj atyre dhe atij që e ka mbajtur Beratin peng, qytetarët e Beratit peng me krimin, oligarkinë.
I ka vjedhur i ka varfëruar, i ka shpronësuar i ka dërguar në emigracion dhe që guxon të mendojë se do t’i hedhë kularin në fyt Beratit më 30 qershor, nuk do të ketë zgjedhje me krimin, me hajdutët.
Dëgjojeni Beratin, shikojeni Beratin, Beratin e shpresës, të lirisë, të demokracisë. Berati dhe beratasit në këmbë për liri, dinjitet, demokraci e për Shqipërinë si gjithë Europa”, tha Basha.
