Kreu i Partisë Demokratike, Lulzim Basha ka deklaruar se nga takimet që ka pasur në Gjermani ka marrë mesazhe shprese, teksa ka zbuluar se fokusi i këtyre takimeve ka qenë çelja e negociatave dhe integrimi në Bashkimin Europian.
Ai ka renditur disa pika, sipas së cilit janë kërkesa të qarta që CDU dhe Partitë Popullore Europiane për Shqipërinë.
“Mesazhet që sjell nga këto dy takime janë mesazhe shprese për Shqipërinë. Fokusi i dy takimeve ka qenë tek mbështetja totale e Shqipërisë në Europë, çeljes së negociatave dhe anëtarësimit në BE.
U shpreh mirënjohje për këtë qëndrim të palëkundur.
Si çdo proces nuk është një proces i lehtë, por që kalon përmes përmbushjes së kushteve dhe kritereve. Theksi që kanë vendosur drejtuesit e BE dhe takimet që ka pasur ka qenë tëk përmbushja e kushteve nga ana e Shqipërisë. Kjo nuk është diçka e re.
-Hartimi pa vonesë i Reformës zgjedhore, duke vënë theksin tek vullneti politik që do të thotë që çdo ndryshim nuk kanë vlerë nëse nuk ka mekanizma që do të sigurojnë zbatimin.
-Ngritja e Gjykatës Kushtetuese
-Papajtueshmërinë totale, me blerjen e votave dhe ata të hetohen në mënyrë të suksesshme dhe të çohen aty ku e kanë vendin. Zbatimin e ligjit të dekriminalizimit dhe nxit ngritjen e SPKA dhe BKH.
-E papranueshme lufta kundër krimit dhe shpreh nevojën urgjente që këtu të kemi ndërtimin e një regjistri bindës të paralizimit dhe çuarjes dhe dënimit të autorëve duke përfshirë politikanë dhe bandat.
-Ligji për administratën publike
-Rrugëdalja nga kriza ekonomike. Erdha duar plotë me mbështejtje me ekspertizë të CDU dhe korporatave Gjermane, që shohin te Shqipëria një potencial të pashfrytëzuar dhe janë të gatshëm të bëjnë atë që kanë bërë në Serbi, të orientojnë transformimin ekonomisë. Ky nuk është një proces me një kah, por edhe Shqipëria do të bëj punën e saj. Kështu të rinjtë nuk do të kenë nevojë që të largohen nga vendi, po të ketë mundësin për t’u punësuar në vendin e tij/saj me një pagë dinjitoze“, shprehet Basha.
/a.r
