Kryetari i Partisë Demokratike Lulzim Basha ka dalë në mbështetje të ish-kryeministrit Sali Berisha në lidhje me deklaratën e tij për armatosjen e popullit për vetëmbrojtje.
Gjatë një deklaratë për mediat Basha tha se propozimi vjen në një kohë kur krimi ka pushtuar zyrat e shtetit në nivelet më të larta.
“Sot kapet pas një deklarate që nuk është as qëndrim e as nismë por propozim për gjendjen e tmerrshme kriminale, për të hequr vëmendjen nga Shullazi, mision i dëshpëruar, se njerëzit e dinë se shullazët ishin zgjedhja e tij e parë, e gënjen mendja se mund t’i lërë qytetarët peng, orët e bandave po mbarojnë, ora e logjit ka trokitur, reforma në drejtësi ka nisur me shenjën e mirë të goditjes së bandës më të dadhur për Ramën e Tahirin, të tjerave po u vjen radha, drejtësia do bëhet, zgjedhjet dhe vota do jenë të sigurta” tha Basha.
Më tej Basha tha se krimi ka marrë në dorë pushtetin. Sipas tij në vend mbizotëron shteti kriminal Rama-Tahiri-Shullazi që terrorizojnë bizneset me gjoba.
“Gjithë Tirana e di, tani po e merr vesh gjithë Shqipëria si bëhesh pronar, pasanik në shtetin Rama-Tahiri Shullazi, duke grabitur me armë në dorë, duke kërcënuar qytetarët, biznesmenët, nëpunësit, o pronën o plumbin. Kryeministri doli sot përpara mediave, në përpjekjen e fundit për të inkurajuar Shullazin, por s;ka komardare shëptimi për të. Edi Rama dhe Tahiri janë në zi dhe në tmerr. Asnjë fjalë nuk kanë thënë në mbështetje të prokurorisë. Sot me atë palo dalje para medias, i lodhur nga gënjeshtrat e veta, por komardare shpëtimi për të nuk ka. Hija e Shullazit është e stampuar në fytyrën e tij. Vollga është monumenti kriminal i vendit ku Edi Rama ka dorën e tij, Vollga është simboli i rënies së shtetit. Janë dhjetëra biznesmenë që kanë paguar haraçin tek ky bandit. Nuk do ndodhte kjo nëse Shullazi nuk do kishte mbështetjen e Ramës.”- deklaroi Basha.
