Analisti dhe sociologu Ergys Mërtiri, duke komentuar në emisionin “Të Paekspozuarit” të ardhmen e lidershipit të partisë së drejtuar nga Sali Berisha, u shpreh se nuk do të ketë figura të reja, sepse nuk ka. Mërtiri debatoi me panelistët Ylli Rakipi dhe Neritan Sejamini për rolin që luajti Lulzim Basha për 10 vite nën urdhërat e Berishës dhe të ardhmen e tij.
Pjesë nga debati:
Ergys Mërtiri: Unë nuk mendoj se mund të ketë figura të reja për disa arsye, sepse këta, e para, nuk kanë lënë vend për figura të reja, sepse Berisha në këto 30 vite ka mbajtur figura që i kanë bërë fresk dhe temena dhe janë aty se kanë adhuruar atë. E dyta, vetë figurat nuk duan të spikatin, sepse po spikatën i heq lideri. Kështu që është një lloj skeme që e lë partinë në këtë lloj bataku ku është. Dhe e treta, vetë Berisha nuk i beson më askujt. Personi më i besuar në këto 10 vite ka qenë Lulzim Basha, pavarësisht se sot e akuzon për mungesë besnikërie, por problemi më i madh që ka patur Basha ka qenë se ishte më shumë besnik se ç’duhej.
Ylli Rakipi: Jo, jo. Ja të ndërhyj unë në favor të shikuesit se po na ndjekin shumë njerëz. Basha ka marrë përsipër të gjitha rrisqet, kur pranon dhe njeh se çfarë është Sali Berisha, të gjitha kostot, deri edhe poshtërimin e tij.
Ergys Mërtiri: Tani kur Lulzim Basha i doli kundra me non gratën, unë jam i bindur se edhe Argita Malltezi do të vijë dita kur t’i thotë: baba më lër rrugën time se do ta bëj vetë këtë punë. Berisha nuk i besoj kujt, prandaj është i detyruar të fusë të bijën në lojë.
Neritan Sejamini: Tani kam një pyetje. Ne biem të gjithë dakord se z. Basha do t’i humbë zgjedhjet e 2025.
Ergys Mërtiri: Po do t’i humbin të gjithë.
Neritan Sejamini: Ti mendon se do të japë dorëheqjen pas humbjes?
Ergys Mërtiri: Po ç’lidhje ka?
Neritan Sejamini: Kjo shpjegohet me mizën. Çdo gjë është Berisha. Pra Basha ky i vuajturi.
Ergys Mërtiri: S’ka vuajtje, po e akuzoj Bashën për besnikëri.
Neritan Sejamini: Nuk është besnikëria, është simptoma që edhe Basha nuk e lëshon pushtetin, është sindroma shqiptare e autokracisë. Edhe z. Basha do t’i humbë zgjedhjet në 2025 dhe nuk do të ikë, do t’i humbë edhe në 2029, edhe në 2033. Ka një kulturë autokracie.
Ergys Mërtiri: Po thoja se Berisha nuk i beson kujt.
Neritan Sejamini: Po them që ky është një problem shumë madh edhe për PS-në. Z. Rama ka hequr edhe zgjedhjet nga statuti, t’i lëmë këto berishizmat, këto terma koti.
/a.r
