Ish-kryeministri Sali Berisha i ka dërguar nga Fieri një mesazh paralajmërues Lulzim Bashës për përjashtimin nga grupi parlamentar.
Berisha i thotë Bashës se të gjithë ata që në 30 vite i kapi frika përfunduan keq, ndaj duhet te behet burre dhe te pranoje mbledhjen e forumeve.
Sipas tij, Basha ka hequr nga Statuti edhe referendumet, por Berisha siguron se Kuvendi do të mblidhet dhe do të fusë në Statut nenin e referendumeve.
Më pas do të sanksionohet po në Statut edhe që kryetari i partisë që merr vendime që nuk janë pushteti i tij që në momentin që shpall vendimin përveç kohës së luftës do të shkarkohet në vend.
Pyetje: PD ka një derë, pse duhet të gjithë që bëjnë karrierë të kenë njohje me kryetarin? Do të kemi sërish të drejtë për vota në forume?
Sali Berisha: Në këtë situatë që jemi, vota juaj është shpëtimtare. E dëgjuar deklaratën e peng-kryetarit dje, por ai tha që nuk do të lejoj Kryesinë. Të gjithë ata që i kapi frika e forumeve, kanë përfunduar keq.
Bëhu burrë dhe mos luaj me pluralizimin. Lëri ato, forumet do të mblidhen. Çdo kryetar që në moment që shpall vendimin, është i shkarkuar, kjo është demokracia. Do të sanksionohet në statut.
Do flisni ju në referendum. Në fushatë tha do të hapim referendumet. Thashë se është apasionuar për Zvicrës, por e ka hequr nga statuti. Jemi në krizë do e kapërcjemë të gjithë bashkë.
/m.j
