Tre ditë para vendimit për hapjen ose jo të negociatave me Shqipërinë, kryetari i opozitës, Lulzim Basha ka kërkuar nga Gjermania që të bëjë gjithçka që vendimi të jetë pozitiv.
Në fjalën që mbajti gjatë ceremonisë së 10-vjetorit të Fondacionit Gjerman, Konrad Adenauer, Basha tha se vendi ndodhet në udhëkryq dhe ndihma e partnerëve ndërkombëtarë është e nevojshme.
“Ne u bëmë thirrje miqve tanë gjermanë që, megjithë gjendjen e rëndë në vend, shkaktuar nga hapat prapa në lidhje me ekonominë, demokracinë, sundimin e ligjit dhe lirinë e shprehjes, vetëm hapja e negociatave garanton nje vemendje të shtuar të Bashkimit Evropian në Shqipëri, një kontroll më të fortë të funksionimit të institucioneve, ndarjes së pushteteve, zgjedhjeve të lira dhe barazisë para ligjit, si garanci për qytetaret e këtij vendi se liritë dhe të drejtat e tyre do të respektohen.
Falë qëndrimit të drejtë dhe parimor dhe mbështetjes së fortë të Kancelares Merkel dhe CDU për Shqipërinë, Bundestagu ka propozuar rrugën drejt hapjes së negociatave, që është edhe udhërrëfyesi ynë për daljen nga kjo krizë”, theksoi Basha.
/a.r
