Sali Berisha nga ballkoni ka rikthyer këtë të enjte, historinë e kullës 64 kate prapa së cilës qendron i biri, që do të ndërtohet në qendër të Tiranës.
“Të dashur miq, atë ditë që unë kam vendosur të nis foltoret, njerëz të mi të afërt më pyetën: Sali, a je i sigurt që do kesh mbështetje?
Përgjigjia ime ishte kjo: Unë kam besim se do kem mbështetje, por edhe sikur dhjetë vetë të vijnë, unë do të shkoj në atë takim dhe do mbroj të vërtetat që do mbroj.
Të dashur miq, pra, dy vite më parë u zhvillua një betejë e paparë midis korrupsionit dhe antikorrupsionit të Sali Berishës.
Gjithnjë i hapur, gjithnjë i sinqertë, gjithnjë duke deklaruar se një dokument, një fakt, një provë të vetme po gjetën, Sali Berisha largohet nga politika.
Por ju e patë, se qeveritë më të fuqishme të botës, në dy vite nuk nxorën dot asnjë fakt, asnjë dokument, asnjë provë.
Dje unë fola për Skënderbeun. Vite drite jemi larg prijësit të përjetshëm. Por secili prej nesh ka një copë të shpirtit të tij në shpirtin tonë. Secili nga ne ka një copë të zemrës së tij në zemrën tonë. Secili nga ne ka një grimcë të qëndresës së tij në qëndresën tonë.
Miqtë e mi, pasi humbën betejën me shpalljet non-grata mbi baza të korrupsionit transnacional, pa asnjë provë, fakt apo dokument, Edi Rama kaloi në një praktikë tjetër të shpifjeve dhe trillimeve nga më të ulëtat. Me mediat e tij, me lakejtë e tij, me puthadorët e tij çfarë nuk sajoi, dhe arritën te kulla 64-katëshe e Tiranës.
Vetëm sa nuk e emëruan kulla e Sali Berishës.
Miqtë e mi, mjeranë kompania e tyre. Sali Berisha në tetë vite në pushtet, nuk pranoi, nuk ndërtoi qoftë dhe një kullë të vetme në kryeqytetin e Shqipërisë.
Kështu që kulla u shndërrua në mullarin e turpit të mashtrimeve të tyre.
Edi Rama angazhoi Erion Veliajn dhe Lul Bravën për të trilluar në mënyrën më primitive, por dështuan dhe vetëm dështuan”, tha Berisha nga maja e ballkonit.
Po pse u kujtua sot Sali Berisha, të rikthejë historinë e kullës 64 kate?
Në fakt, është tërbuar nga SPAK.
Kjo, pasi PD zyrtare e Lulzim Bashës, kishte dërguar një shkresë, ku interesohej e po hetohet për padinë e saj, të ngritur në gusht, për kullën 64 kate.
Dhe SPAK ka kthyer përgjigje, se po heton në mënyrë të thelluar.
Vetëm se përgjigjien e kanë çuar në selinë zyrtare të PD-së, pra në SHQUP, të cilën e ka zaptuar Berisha.
Pra përgjigjia e kërkesës së Bashës, ka shkuar në zyrën e Berishës.
Ndaj dhe është tërbuar./tema
