Paraditen e së premtes Lulzim Basha ka zgjedhur Vlorën për takimin elektoral të radhës.
Gjatë fjalës së tij para qytetarëve, Basha nuk kurseu sulmet për rivalin e tij politik, Edi Ramën, ndërsa tha se për 4 vite nuk mbajti asnjë premtim.
Me ironi, lideri i PD-së kujtoi shprehjen tashmë shumë të përdorur nga PS dhe LSI, për makinën me një timon. Basha tha se duan timon, por ai s’ka motor.
“4 vjet e beri lemsh Vloren dhe te pajetueshme per njerezit e aq me pak per turistet. Timon pa motor, lodër si ai i fëmijëve me te cilin luan ne kurrizin tuaj, te familjareve tuaj, te fëmijëve tuaj. Konsumi nuk mund te rritet kur paratë behën palma, kur paratë qe i jep një familjeje me ndihme ekonomike ia merr me dorën tjetër. Kam dhënë garanci se pas datës 26 Shqipëria do ndihmoje ne kualifikim e forcës punëtore dhe rinise. Bankat s’mund te kreditojnë kur 56% duan te largohen” – tha Basha. /b.d
