Kreu i Partisë Demokratike, Lulzim Basha, ka qenë sot në Shkodër dhe ka parë nga afër dëmet e shkaktuara nga përmbytjet.
Basha është takuar me banorë të zonës dhe kryetaren e Bashkisë Shkodër, Voltana Ademi, dhe është njohur me situatën e përmbytjeve.
Kreu i PD i ka bërë thirrje qeverisë që të marrë masa, pasi sipas tij situata do të përkeqësohet më shumë dhe mund të shkaktohen dëme më të mëdha.
“Përmbytjet po dominojnë Ultësirën Perëndimore. Është një situatë që i mbivendosje fatkeqësive të tjera. Nuk është koha për politike, por nuk mund të mohohet që gjendja mund të jetë më e mirë menaxhuar dhe kjo është detyrë e shtetit.
Duhet të kemi transparencë për atë që po ndodh, duhen marrë masa emergjente. Shanset janë që situata duhet të vijë duke u përkeqësuar, ndërsa duhet marrë masa për t’ju ardhur në ndihmë banorëve”, tha Basha.
