Kryedemokrati Lulzim Basha i përgjigjet Kryeministrit Edi Rama, i cili e ironizoi për propozimet e bëra për përballimin e pagesave të personave të izoluar për shkak të koronavirusit.
Basha i quan sulme ndaj oppozitës si mburojë ndaj vjedhjeve dhe korrupsionit të oligarkëve.
“Sa keq për çdo shqiptar kur kryeministri në vend që të japë menjëherë 120 milionë eurot e PPP-ve për shëndetin dhe bukën e gojës së mijëra familjeve, merret gjithë ditën me sulme kundër opozitës dhe bëhet mburojë e vjedhjeve dhe korrupsionit të oligarkëve dhe tenderave të luksit”, shkruan Basha.
Ky qëndrim i tij vjen pasi Rama vijoi me gjuhën e ironisë ndaj Bashës, duke thënë se “Plani 7×7=42 është zgjuar sot me rritje të shifrave”.
Ai tha se deri kur të mbarojë lufta shifrat do kapin nivelin e një vendi të G7-ës.
“Pritet shifra e parashikuar nga plani për aktorët e Portokallisë, meqë janë mbyllur në shtëpi ndërkohë që po u bëhet konkurrencë e pandershme nga 7×7=42!”, tha Rama.
Gjithçka nisi pas për të vetëpunësuarit në biznesin e vogël, Basha propozoi paraditen e sotme që qeveria t’ju paguajë 300 euro për çdo muaj që biznesi qëndron mbyllur.
Kostoja e kësaj mase shkon nga 20-25 milionë euro/muaj.
Për punonjësit në bizneset fasonë, call centers, dhe operatorë turistikë që janë të detyruar të rrinë në shtëpi:
-Qeveria duhet të mbulojë të paktën pagën minimale kur ata nuk mund të paguhen fare.
-Për ata që ua paguajnë pagën, kostoja e pagës të llogaritet si shpenzim i zbritshëm në masën 200% të këtij shpenzimi.
Kostoja e kësaj mase nga 25 milionë deri 30 milionë euro/muaj.
/a.r
