Kryetari i Partike Demokratike Lulzim Basha ka reaguar pas konferencës për shtyp të kryeministrit rama dhe kancelares gjermane Angela Merkel.
Edhe njëherë Merkel shprehu mbështetjen e saj për Shqipërinë, dhe vlerësoi arritjen e vendit në përmbushje të 5 prioriteteve.
Opozita në fakt, prej disa ditësh priste një tjetër qëndrim pas deklaratave të deputetit gjerman të partisë së Merkel, Krischbaum.
Deklarata e Bashës në facebook:
Shqipëria është me fat që ka mbështetjen e Gjermanisë në përpjekjet e saj për përparim dhe integrim europian. Ne i jemi veçanërisht mirënjohës Kancelares Merkel për mirëkuptimin dhe mbështetjen e saj të vazhdueshme ndaj Shqipërisë.
Dua ta siguroj Kancelaren dhe popullin gjerman se shqiptarët janë të vendosur të përqafojnë të gjitha vlerat europiane dhe të ndërtojnë një shoqëri të denjë për të gjithë, duke luftuar krimin, drogën, korrupsionin dhe duke e çliruar politikën prej tyre.
Partia Demokratike dhe unë do të marrim përgjegjësinë tonë në gjendjen ku ndodhet vendi, veçanërisht për te siguruar zgjedhje te lira dhe te ndershme dhe zbatimin sa më parë të reformës në drejtësi./a.m.
