Kreu i Partisë Demokratike, Lulzim Basha ishte sot në takimin përmbyllës në qarkun e Lezhës. Nga foltorja, Basha u kërkoi lezhjanëve që të votojnë për kandidatin e së djathtës, Fran Frrokaj.
Me fjalë fyese ndaj Kryeministrit, Basha tha se kandidatët e së majtës janë presona me precedentë penalë dhe që kanë disa emra për shkak të të kaluarës së tyre.
“Kryetari i ardhshëm i bashkisë tuaj do të punojë për ju, jo për oligarkinë. Kryeministri po rehabiliton duke u ndryshuar emrat trafikantëve. O hutaq! I hutuar je se sot mediat botërore kanë deklaruar emrat e kandidatëve tuaj të kriminalizuar. Ti nuk ua thua emrin e kandidatëve të tua se e di që ata kanë nga 2-3 emra prej të kaluarës së tyre kriminale. O hutaq! Ilir Meta dhe Viktor Tushe kanë shkelur dinjitetin e demokratëve dhe socialistëve këtu në Lezhë. S’i dëgjove dot qytetarët e Lezhës se ua mbylli gojën ortaku yt. Viktorit i shkove në zyrë që të mos e arrestonte policia përpara 4 ditësh”, ishin këto deklaratat e Lulzim Bashës, nga Lezha.
Më pas ai u kë kërkuar qytetarëve që të votojnë Fran Frrokajn, i cili ka gati paketën e shpëtimit, siç është ulja e taksave në bashki.
