Partitë opozitare ka gjasa të shkojnë në zgjedhjet e 25 qershorit me një logo të përbashkët, atë të PD-së, ndërkohë që kryetarët e partive aleate të Bashës do të kenë një vend të sigurtë në listat e PD si kandidatë për deputetë.
Gjatë mbledhjes, kryetari i PD garantoi aleatët se do të kenë një vend të sigurtë në listën e kandidatëve për deputetë, kjo edhe si shpërblim për qëndresën e përbashkët 90 ditorë në çadrën e opozitës në bulevard.
Mësohet se në takim është folur që të gjitha partitë opozitare të jenë nën logon e PD, kurse emrat e kryetarëve të partive të vogla janë të parët që do e kenë emrin në listat e kandidatëve për deputetë.
Në mbledhje u diskutua edhe për emrat e ministrave dhe drejtorëve teknikë që do të propozojë opozita dhe që do të votohen në parlament bashkë me komisionet e vettingut.
Lista e kryetarëve të partive parlamentare në aleancë me PD
Fatmir Mediu – kryetar i Partisë Republikane
Agron Duka – kryetar i Partisë Agrare Ambientaliste
Vangjel Dule – kryetar i Partisë Bashkimi për të Drejtat e Njeriut
Nard Ndoka – kryetar i Partisë Demokristiane
Dashamir Shehi – kryetar i Lëvizjes për Zhvillim Kombëtar/javanews.al/a.ç
