Basha tha se kjo marrëveshje do të vihet në jetë sapo PD të vijë në pushtet.
Por kreu demokrat u dukë sikur po mbante fjalim para një mitingu të partisë së tij pasi përveç sallës që ishte e mbushur me militantë edhe fjalimi i kreut demokrat ishte shumë politikë duke hedhur akuza në drejtim të mazhorancës duke u ndalur edhe tek zgjedhjet e 30 qershorit.
“Së bashku ndërmarrim këtë akt besimi dhe përkushtimi për të mbështetur me të gjitha format ligjore, politike, diplomatike dhe aksioni qytetar ashtu si kemi bërë deri më sot. Nënshkrimi i kësaj kontrate besimi mes opozitës sësotme është akti i parë që ne ndërmarrim për mbrojtjen e interesit publik, për futjen e vendit në shina, të ndëshkimit të politikanëve të korruptuar dhe të politikave të zhvillimit ekonomik. Është domethënëse që këtë akt e nënshkruajmë me një grup i cili këmbëngul për të mbrojtur jo një interes privat por një kauzë. Dua të falenderoj për besimin e dhënë dhe t’i siguroj për vendosmërinë. Do gjurmojmë çdo qindarkë të marrë nga populli dhe do ia kthejmë pronarit ligjetim. Mesazhi i 30 qershorit është mesazh për një ndryshim të vërtetë. Shkelja e kësaj kontrate na ngarkon me përgjegjësi para publikut dhe votuesit shqiptar. Siç e tregoi dhe 30 qershori, drita në fund të tuneli po shkëlqen fort”, tha Basha
