Në hapjen e fushatës për Gjirokastrën, kreu i PD-së Lulzim Basha Basha e sfidoi sërish kryeministrin që të dy të përballen në një debat televiziv.
“Këtu nga sheshi i Çerçiz Topullit të sfidoj dhe të ftoj për debat televiziv. Eja dhe lëri rrenat ku i ke 300 mijë vende pune? Ku e ke shëndetësinë falas. Eja në debat, eja në debat. Është kulturë”,- sqaroi Basha
Kreu i opozitës tha se si kryeministër ai do të rimëkëmbte ekonominë me një plan të hartuar nga ekonomistët më të mirë në botë.
“Si kryeministër do ta bëj natën ditë, do ta bëj ekonominë shumë të fortë, se nuk ka shtet pa ekonomi të fortë. Plani është solid i hartuar me ekspertët më të mirë që ka rruzulli tokësor, këshilltarët ekonomikë të kancelares Merkel. Ata do ta nxjerrin ekonominë nga kriza, dhe do të rikthejë paratë në xhepat e shqiptarëve. Ky plan do zbatohet që në ditën e parë,” tha ndër të tjera Basha./a.ç
