Kryetari i Partisë Demokratike, Lulzim Basha, mori fjalën në protestën e organizuar nga FRPD, duke e uruar këtë të fundit për atë çka bëri para parlamentit.
“Urimet më të mira për Forumin Rinor, që na ka bërë krenarë, për kryetarin Belind Këlliçi dhe ekipin e tij, për bashkëpunëtorët, me të cilët ka mbledhur sot para parlamentit të rinjtë, shpresën, energjinë, forcën, dhuratën e Zotit për prindërit, familjen, kombin shqiptar dhe Partinë Demokratike të Shqipërisë”, tha Basha.
“Të dashur të rinj, sot para parlamentit ju u thatë shqiptarëve me zë të lartë arsyet se pse qeveria e Edi Ramës është de facto qeveria e rrëzuar, qeveria e e zprapsur, e ndalur. Ju folët çiltër, hapur, siç di të flasë rinia, treguat hallet e problemet e familjeve tuaja, të fqinjëve, miqve, ekonomike mbi të gjitha.
Kjo tregon se Edi Rama ia ka dalë me sukses të plotë ta shndërrojë qeverinë në bandën më të madhe të hajdutëve të 25 viteve të fundit”.
“Paratë me të cilat duhej të ndërtoheshin rrugët, spitalet, çerdhet, janë aty”, tha Basha, duke treguar nga godina e Kuvendit, “në kontot bankare brenda e jashtë Shqipërisë, të vjedhura, të zhdukuara nga Edi Rama me 40 hajdutë”.
Nga ana tjetër Basha u ndal edhe te ligji arsimit te larte.
“PD ka qenë dhe është kundër ligjit për arsimin e lartë. Sot ju jap fjalën se ligji për ligjin e arsimit të lartë do të shfuqizohet javen e parë e ardhjes në pushtet. Rinia shqiptare meriton të arsimohet dhe me PD do arsimohet pa diskriminim dhe pa tarifa të larta.” – tha Basha.
