Ndryshe nga një ditë më parë kur shpalli fitoren, Lulzim Basha tha sot se bëhet fjalë për një rritje të opozitës në këto zgjedhje sa i përket numrit të votave.
Basha u shrpeh në një dalje të shkurtër për mediat se rezultati i deritanishëm që nxjerr fitues Partinë Socialiste vjen prej faktit se kjo e fundit i ka përcaktuar kutitë e para për numërim.
“Rëndësi ka që bëhet fjalë për një fitore, më saktë një rritje. PS i ka humbur edhe bastionet e saj. Dihet që kutitë e para që numërohen i përcakton qeveria. Këto kuti u përkasin bastioneve të PS, e cila ka pësuar një humbje të thellë” – tha Basha duke shtuar se PD ka një rritje me 30% në njësinë 10 të Tiranës.
/a.r
