Pasi Lulzim Basha u shpreh se Edi Ramën e pret burgu pas zgjedhjeve, ka reaguar edhe ky i fundit.
Kryeministri shkruan se kreu i PD po humbet kohë me dokrra të vjetra, që e kanë çuar nga humbja në humbje.
Ai e fton Bashën që të vijojë punën në Këshillin Politik.
“Lulzim Basha reagimi yt ndaj ftesës sime për të vijuar punën bashkarisht dhe reflektuar në Ligjin Zgjedhor risitë kushtetuese është shumë i nxituar! Kërcënimet për konflikt e për fatura kostosh personale, tregojnë humbje të busullës! Në emër të shqiptarëve vendos Parlamentit. Prandaj mos humb kohë me dokrra të vjetra,duke përsëritur po atë avaz që ju ka çuar nga humbja në humbje, po le të vazhdojmë punën e nisur. 5 qershorin aty e ke, top në Ligjin Zgjedhor,ku tani duhet të integrojmë edhe 30 korrikun!Ta bëjmë së bashku e mos harro,s’presim dot gjatë!” shkruan Rama.
