Basha dy mungesa në protestë, kush do ta udhëheqë tubimin para Kuvendit?!

Në protestën e 21 marsit, të njëjtën ditë kur duhej edhe të paraqitej në Prokurorinë e Tiranës në kuadër të hetimeve për lobimin në SHBA, Lulzim Basha mungoi, pasi ndodhej në Bruksel, në takime edhe me kryetaren e CDU-së në Gjermani. Edhe këtë të mërkurë, në protestën e 3 prillit, që opozita mban para Kuvendit që sot ka seancë plenare, Basha nuk do të jetë.

Këtë të mërkurë kryedemokrati Basha ndodhet në Gjermani, ku do të takohet me përfaqësues të CDU-së për t’i njohur me situatën politike në Shqipëri. Pritet që peshën e protestës ta marrin ish-kryeministri Sali Berisha dhe kryetarja e LSI-së Monika Kryemadhi.

/a.meta