Gjatë kohës që kryetari i Kuvendit Ilir Meta po zhvillon një takim me zyrtarin e lartë amerikan, 20 metra poshtë zyrës së tij, Kryetari i PD-së Lulzim Basha ka bërë të qartë se cila do të jetë tematika e bisedës në takimin me Brian Yee. Basha ka nënvizuar se zgjedhje pa opozitën s’ka dhe s’ka për të pasur dhe se e vetmja temë në bisedime do të jetë krijimi një qeverie teknike për zgjedhjet.
“Vetëm qeveri teknike, zbatim i ligjit të dekriminalizimit. 18 qershori është i rrëzuar ligjërisht. I ka dorëzuar listat me vonesë. Ai po u bën oferta aleatëve tanë që të hynë në zgjedhje duke u ofruar deputetë. Kryetarët e partive aleate i thanë jo. Ky është bashkimi për zgjedhje të lira dhe të ndershme. Ka afruar 500 mij euro për një kryetar partie të hyjë në zgjedhje. Kjo lëvizje nuk është lojë. Republika e re që po vjen nuk është lojë. Me 18 qershor do t’ia gatis populli qejfi. Ata në Kolegj të dalin nga dara e presionit”, ka deklaruar Basha.
ma.me/javanews.al
