Kreu i PD, Lulzim Basha duke folur me përfaqësues të biznesit ka bërë disa premtime që sipas tij do të realizohen kur ai dhe PD të vijë në pushtet do t’i realizojë.
Basha ka pranuar edhe një gabim kur PD ishte në pushtet duke kërkuar falje për rritjen e transferimit të pronës që në atë kohë u bë 10% . Sipas tij kjo taksë tashmë do të ulet në 3 %.
“Gabim qe e nitem ne, se ne e cuam taksen e prones 8%, por keta e dyfishuan. Akoma me keq e çuam 10%. Ne e nisem, por eshte koha edhe per te kerkuar ndjese. 3% do behet taksa e transferimit të pronës. Për sa i përket taksës, do të hiqet taksa Rama në tek nafta. Do të jetë si fillim 240 lek më i lirë. Ne kemi prodhim të energjisë së ujit.” tha Basha.
Ndër të tjera Basha ka deklaruar se sapo PD të vijë në pushtet do të shkrihen të gjitha inspektoriatet e kontrollit të biznesit.
“Moratorium 6 mujor dhe të gjitha inspktoriatet do të shkrihen dhe më pas do të rishikohen mbi baza europiane që të mos jenë terror i biznesit”, tha ai.
Në diskutimin me bizneset në rrugën Tiranë-Durrës, kreu i PD është shprehur se PD do të jetë për taksën e sheshtë 9 % dhe kështu do të formalizohen të gjitha bizneset.
Duke e cilësuar ekonominë si një kalçeto që kontrollohet nga lojtarët e saj Basha ka thënë se kur të vijë PD në pushtet nuk do të thotë që kjo kalçeto do të zëvendësohet por sipas tij do të vendoset stabilitet.
“Ne duhet të largojmë sistemin feudal ku sukses ka ai që njeh dikë. Kemi ekonomi të kontrolluar dhe gjithë pasuria kontrollohet nga një grup kalçeto. Nëse do të bësh punë dhe të ecësh para duhet të shkosh te kalçeto e Edi Ramës. Ne nuk kemi ndërmend të zëvëndësojmë kalçeton e Ramës me një kalçeto e Lulzim Bashës. Si kapitenët e zhvillimit që mundëojnë rritjen e standarteve të jetës. Biznesi i vogël punëson 80% të popullsisë shqiptare. Nuk do të ketë kalceto të privatizuar. Ti japim fund ekonomisë së patronazhit. E kanë ndarë ekonomonë në dhjetë pjesë dhe kontrollohen nga 10 padronë”, ka thënë Basha ndër të tjera.
g.kosovari
