Kryetari i Partisë Demokratike ka qenë sot në qyetetin e Kukësit për të bashkëbiseduar me qytetrët dhe prezantuar kandidatin për këtë qytet. Bash sulmoikryeministrin Rama i cili sipas Bashës nuk hapi 300 mijë vendet e punës që premtoi.
“Ata merren ditë për ditë me opozitën, sepse nuk kanë çfarë të thonë. Sepse premtuan 300 mijë vende pune dhe nuk hapën asnjë vend pune, sepse premtuan shëndetësi falas dhe e kanë katandisur ne ditën e saj më të zezë. Ne u ofruam mundësinë në Parlament, duke ofruar amendamentet tona për heqjen e taksave, për uljen e taksave për bizneset që të krijonin më shumë vende pune, por ata nuk i pranuan, i shkelën, i hodhën poshtë. Ai nuk ka ofertë, ai nuk ka zgjidhje, sepse për të punësimi juaj nuk është prioritet. Ka dy vjet që e ka provuar. Për mua, punësimi i shqiptarëve, punësimi i të rinjve është prioriteti numër një”, deklaroi Basha.
Basha nuk ngurroi as të premtonte uljen e çmimit të energjisë, faljen e kamatë-vonesave dhe mbajtjen hapur të të gjithë universiteteve në Shqipëri.
“Me votën për Partinë Demokratike, më 21 Qershor ju do të votoni për alternativën tonë, për uljen me 25% të çmimit të energjisë dhe faljen e gjithë kamatë-vonesave anembanë Shqipërisë, për të mbajtur hapur të gjitha universitetet publike dhe filialet e tyre nga Kukësi, Peshkopia e kudo në Shqipëri dhe për të ulur tarifat studentore në nivelin e mëparshëm”, tha Basha.
