Kreu i PD, Lulzim Basha i ka kërkuar Këshillit Europianë që të miratojë në parim hapjen e negociatave për Shqipërinë.
Duke publikuar statusin e Partisë Popullore Europiane që rikonfirmon mbështetjen e saj ndaj Shqipërisë e Maqedonisë Basha shprehet se në këto momente të vështira nevoja për shpresë është më e madhe.
Ditën e djeshme BalkanWeb publikoi draftin e Këshillit Europian i cili pritet të miratohet të enjten kur janë13 kushte që Shqipëria duhet të plotësojë para konferencës së parë ndërqeveritare.
Në këto kushte përfshihen ato 9 të Bundestagut si dhe pranimi i ekspertizave nga Komisioni i Venecias sa i përket emërimeve në Gjykatën Kushtetuese apo dhe ligjit për mediat i quajtur ”Anti- Shpifje”.
STATUSI I BASHËS
Në këto ditë të vështira për Shqipërinë & mbarë botën,nevoja për shpresë është edhe më e madhe. Mirënjohje @EPPGroup për mbështetjen. Në emër të PD dhe Opozitës së Bashkuar rikonfirmoj kërkesën tonë ndaj Këshillit Europian të miratojë në parim hapjen e negociatave për Shqipërinë. /e.s/
