Lulzim Basha vijon të mbajë të bllokuar foltoren e Kuvendit.
Seanca ka rinisur pas ndërprerjes së parë, por kryetari i Opozitës vijoi të qëndrojë në foltore duke penguar zhvillimin normal të punimeve.
Në këtë situatë, Ruçi ndërpreu për herë të dytë seancën
Më herët Basha deklaroi se të hënën dhe të martën ndodhej për një vizitë në Berlin
“Po, kam qenë në Berlin këtë të hënë e të martë, jo në vizitë klandestine siç thoni ju, as të paguar me milionat e drogës, por i ftuar nga autoritetet më të larta gjermane për të diskutuar shqetësimin e tyre se situata politike në vend, 6 javë pas largimit të Ramës nga Berlini, jo vetëm që nuk ka shkuar drejt përmirësimit, por drejt përkeqësimit, që u lirua Saimir Tahiri dhe e njëjta skemë po ndiqet për të shpëtuar vëllezërit Xhafaj. Në këto kushte është e paimagjinueshme që Bundestagu të rekomandojë hapjen e negociatave”, vijoi ai.
a.ç
