Opozita vendosi të protestojë sot sapo Konferenca e Kryetarëve mori vendim të zhvillonte seancën e së enjtes së kaluar pasdite në orën 17:00. Megjithëse është një protestë e paparalajmëruar dhe pa marrë leje Policia e Tiranës ka marrë gjithë masat për mbarëvajtjen e saj dhe sigurinë e institucionit të parlamentit. Kreu i PD, Lulzim Basha dhe ish kryeministri Sali Berisha kanë dalë nga selia e PD dhe i janë drejtuar protestës. Gjate fjales se tij Basha deklaroi se opozita po lufton per vlerat evropiane dhe se policia duhet te arrestoje qeveritaret dhe deputetet e inkriminuar para se populli ti arrestoje.
“Sot ajo godinë nuk është Kuvendi i Shqipërisë, por banda e hajdutëve që ka marre peng Shqipërinë. Ata që kalojnë ligje anti-kushtetuese dhe futën duart në kutitë e votave dhe i dhanë Shqipërisë Maduron e Ballkanit.
Ato karrige nuk përmbajnë asgjë sepse pushteti i takon popullit. Ne kishim njoftuar protestën e radhës për të enjten, por nga tmerri i frikës ata ndryshuan orarin sepse mendojnë se mund ti shpëtojnë zemërimit të njerëzve. Fundi i ka ardhur klikës kriminale. Ora e të vërtetës ka ardhur”, tha Basha.
Kryetarja e LSI-së Monika Kryemadhi deklaroi në fjalën e mbajtur gjatë protestës se parlamenti do të rrethohet çdo ditë deri në rrëzimin e qeverisë.
/a.meta
