Kreu i Partisë Demokratike, Lulzim Basha reagoi ndaj letrës së kryetarit të Parlamentit Ilir Meta për tu bërë pjesë e mbledhjes ditën e marrtë me qëllim ngritjen e komisionit ad hoc për vettingun.
Në përgjigje të interesit të mediave pas fjalës në “çadrën e lirisë” kryedemokrati Basha tha se për opozitën asgjë nuk ka ndryshuar ndaj nuk mund të bëhet pjesë e një procesi fasadë. “Asgjë nuk ka ndryshuar. Partia Demokratike nuk do të bëhet pjesë e një procesi fasadë. Asnjë gjë nuk ka ndryshuar që të ndryshojmë qëndrimin për Vettingun”, u shpreh Basha.
Kryetari i Kuvendit u ka dërguar ditën e sotme një letër krerëve të grupeve parlamentare për t’u mbledhur në një seancë parlamentare ku do të vendoset për krijimin e komisioneve të Vettingut. Seanca parlamentare do të mbahet ditën e martë, ora 18:00. /b.d
