Lulzim Basha ka qenë si çdo natë tek ‘Unaza e Re’ nga ku ka përsëritur akuzat ndaj qeverisë dhe atyre që i cilëson si oligarkë.
Ai tha se çështja e Unazës është kauza e përballje së qyytetarëve që nuk mund të pranojnë më vjedhjen nga kjo qeveri.
“Axhenda e qeverisë është vënë në shërbim të oligarkëve dhe krimit të organizuar. Sot, jo për herë të parë, Erion Veliaj bëri budallain për t’i ikur të vërtetës tronditëse. Prej ditës së parë, kur kjo aferë është denoncuar, e kemi bërë të qartë që është zhvendosur shtrati i Lanës” – tha kreu i PD.
Sipas Bashës, arsyeja e kësaj lëvizje ka qenë që prona e privatizuar nga Ahmetaj të mos cënohej.
“Aferë më ashiqare se kjo nuk ka. Kjo bëhet me qëllim që prona e një trafikanti të mos preket, por të zhvillohet me firmat e Veliajt dhe Ramës” – tha Basha ndër të tjera.
Basha pati edhe një ankesë për mediat. Ai tha se punën që duhet të bëjë media, po e bën opozita.
“Po mirë, kur ne bëjmë punën e medias, pse media thotë ‘sipas Partisë Demokratike’? Këto nuk janë sipas nesh, por sipas dokumenteve” – tha Lulzim Basha.
/a.rada
