Në ditën e nëntë të protestës kundër qeverisë, kreu i demokratëve nga çadra e protestuesve ka qenë i rrethuar me artistë që janë pozicionuar pro PD.
“Jam këtu me ajkën e kombit, jo më kot në këto 9 ditë të përballjes e protestës këtu në sheshin e lirisë, krah për krah më qytetarët, PD, aleatët janë njerëzit e elitës së kombit. Sa herë që futet në panik ulet e drejton me banditët, forca e tij janë banditët llumi i shoqërisë, forca jonë janë elita, artistët, pedagogëve, më e mira që ka prodhuar ky komb”-tha Basha.
Sipas tij, deri në 18 shkurt frika si instrument sundimi mbizotëronte në popull dhe kokoshi krekosej me arrogancë. Basha ka folur për incidentin e djeshëm në çadër, kur u godit kreu i AK-së, Kreshnik Spahiu.
“Provokatorët goditën kreun e AK, e bën me pabesi si e kanë me zakon, provokatori mori atë që meritonte këtu në këtë çadër dhe unë përshëndes ata që nuk lejuan që provokatori të lejohej pa iu prekur qimja e flokut, por ju bëj thirrje, të shmangim provokimet, mos provoko popullin pasi pasojat e plota të kundërpërgjigjes së fuqishme do të bien mbi ju. Dje, një grusht provokatorësh u munduan të sabotojnë aktin sublim të grevistëve të Zharrëzës, i bëj thirrje Ramës të ndalë provokimet, përgjigju nevojave të qytetarëve”- tha ai.
Ditën e djeshme personi që goditi Spahiun pranoi se ishte mbështetës i Berishës, ndërsa Bashën e përzunë nga protesta e Zharrzës. Por siç duket kreu i PD ka realitete paralele dhe versionet e tij. /javanews/b.d
