Sekretari i Përgjithshëm i PD-së, Gazment Bardhi i është përgjigjur akuzave të anëtares së LSI_së, Elona Gurit, e cila e akuzoi një ditë më parë duke i thënë se gjatë fushatës elektorale, nuk kishte pranuar të fliste kundër Suel Çelës.
Bardhi hedh poshtë akuzat, ndërsa përgjigje edhe në lidhje me koalicionet. Ai thotë se LSI nuk bëri asnjë ditë fushatë në Elbasan dhe se deklarata e Kryemadhit është e pakuptimtë.
“Nuk është mbledhur sepse nuk ka patur dakordësi nga kryetarja e LSI për të patur mundësi që t’i propozohej kryesisë së partisë një listë të përbashkët. Qëndrimi i tyre ka qenë të dilnin me dy lista të veçanta për të maksimalizuar votën.
I kujtoni deklaratat e Kryemadhit që me ndryshime e njëanshme të Kushtetutes dhe Kodit Zgjedhor përfitonte LSI sepse do arrinte të merrte duke thënë se do merrte më shumë se 40 mandate. Nuk e njoh zonjën. Unë kam dhënë me dhjetëra konferenca për shty,p ata që u fshehën dhe nuk erdhën një ditë në qarkun e Elbasanit janë arsyeja e vetme pse LSI nuk mundi të merrte dot asnjë mandat në qarkun e Elbasanit.
LSI nuk ka zhvilluar fushatë në qarkun e Elbasanit. Deklarata e kryetares së LSI ishte pa kuptim, unë bëra një deklaratë të një fakti të njohur publik që PD ka patur vullnetin për t’u futur në zgjedhje me një listë të vetme. Kjo deklaratë ka përbërë një shqetësim ndaj zyrtarëve të LSI, nuk e kuptoj arsyen se ky është fakt publik”, tha Bardhi.
/a.r
