Sekretari i Përgjithshëm i Partisë Demokratike Gazment Bardhi e ka pranuar se situata në mitingun e PD-së mbrëmjen e djeshme në sheshin “Nënë Tereza” për çeljen e fushatës zgjedhore u doli nga kontrolli.
I ftuar në “Java në RTSH”, Bardhi tha se qëllimi i tyre nuk ishte aspak të shkaktonin grumbullime masive, por që qytetarët nuk përmbaheshin. Sipas tij të gjithë e kanë parë se Basha respekton çdo masë në çdo dalje të tijën publike.
“Nuk ishte qëllimi ynë që të kishim grumbullime masive. Donim që qytetarët të futeshin dhe të qëndronin në makina, por situate na doli nga kontrolli. Ju e keni parë shumë mirë që vetë kryetari i PD-së i ka respektuar të gjitha masat vetë, vendos maskën. Ne kemi bërë edhe dje thirrje për ruajtje distance dhe për mbajtjen e maskës, por nuk u bë e mundur. Ka edhe diçka tjetër, unë nuk ua shpjegoj dot qytetarëve në daljet tona se përse kur na takojnë ne, duhet të jemi më pak se 10 persona, ndërsa nëse janë vetëm qytetarët në kafe, në përditshmëri, mund të jenë edhe 50″, tha Bardhi ndër të tjera.
/a.r
Do zoti po e therret me se fundmi kete plehre dhe kriminel .